UCAS 2026 攻略：英國大學申請全面指南

如果你計劃喺2026年前往英國升讀大學，咁就要開始了解UCAS（Universities and Colleges Admissions Service）嘅申請流程啦。UCAS係英國大學嘅統一招生系統，無論你係本地學生定係國際學生，都需要透過呢個平台提交申請。為咗幫助大家順利入讀心儀學府，以下為你詳細介紹UCAS 2026嘅重要資訊同實用建議。

UCAS每年嘅申請時間大致相同，預計2026年度嘅關鍵日期如下（具體安排以官方公布為準）。

平台係2025年5月13日便開放註冊，學生可以提前開通UCAS帳號。到了9月2日，就可以正式提交申請，但要注意，牛津大學、劍橋大學以及部分醫科、牙科同獸醫課程嘅截止日期會比一般課程早，在10月15日期提交，所以有意報讀呢啲學科嘅同學必須提早準備。

大部分本科課程嘅申請截止日期在2026年1月14日，但建議大家盡早提交，避免最後一刻出現任何狀況或問題。由2月到6月期間，大學會陸續發放取錄通知，學生需要密切留意郵件同UCAS帳戶更新。等到7月或8月公開試成績公布後，學生就可以確認最終取錄資格，並在9月正式入學。

UCAS申請主要分為幾個步驟，首先係揀選心儀課程同大學。每位申請者最多可以選擇5個課程，可以係同一間大學嘅5個不同學科，或者5間不同大學嘅同一學科。策略上，建議選擇2個「衝刺」選項（成績要求較高但係夢想學府）、2個「穩陣」選項（符合自己預期成績），以及1個「保險」選項（成績要求稍低，確保至少有一個取錄機會）。

跟住就要準備申請所需文件，其中最重要嘅係個人陳述部分。2026年度UCAS對個人陳述進行咗重大改革，由以往單一篇長文章改為三個結構化問題，旨在讓申請過程更清晰、更容易入手。

新的個人陳述將分為三個獨立問題，每個問題最少需要填寫350個字符，而總字符限制保持4000個字符（包括空格）不變。呢個改動係為咗幫助學生更有條理地展示自己嘅優勢，同時讓大學更容易評估申請者嘅適合度。

除咗個人陳述外，推薦信（Reference）通常由學校老師撰寫，所以要提前同老師溝通，確保老師提供聯絡資料以便UCAS 向老師發出邀請提交推薦信及預期成績 (Predicted Grades)。

填寫UCAS表格時，亦需要提供個人資料、教育背景、工作經驗（如有）以及課程選擇。完成後繳交申請費。

最後，就係等待大學發放取錄通知，並喺指定日期前回覆Firm Choice（第一志願）同Insurance Choice（後備志願）。

部分競爭激烈的學科可能會增加面試或入學考試要求，尤其是醫科、法律同工程等專業。因此，申請者除了要準備好學術成績外，亦要預留時間應對大學要求的額外考核。部分考試需於大學指定要求時間提交。

成功申請UCAS的關鍵在於早準備同細心規劃。個人陳述最好提前至少三個月開始撰寫，並不斷修改完善，確保內容能夠突出自己嘅優勢。同時，要仔細研究每間大學的收生要求，因為不同院校標準可能會有差異，特別是英語能力測試（如IELTS）的分數要求。

如果在常規申請階段未能獲得取錄，亦唔使太擔心，UCAS Extra（2月至7月）同Clearing（7月至9月）階段仍然有機會申請剩餘學位。Clearing特別適合成績未達預期但仍然希望入讀英國大學的學生。

UCAS 2026申請需要及早規劃，特別係想報讀牛津、劍橋或熱門學科的同學。記住留意關鍵截止日期，認真準備個人陳述，並選擇適合自己的課程組合。只要按部就班，相信大家都可以成功入讀理想大學！

-

-

參考資料：

UCAS website: www.ucas.com